Parikan (1)

Parikan 2 Gatra

Wedhang bubuk gula Jawa

Sarwa mathuk ati lega

Abang-abang ora legi

Tiwas ngadhang ora dadi

Jarik kawung nggo klosotan

Ati bingung ra ketekan

Awan-awan mlaku ngulon

Tiwas edan ora klakon

Ondhe-ondhe ora legi

Gelung kondhe nglara ati

Iwak bandeng durung wayu

Priya nggantheng ngguya ngguyu

Tawon madu ngisep sekar

Calon guru kudu sabar

Omah gedhong payon blarak

Sugih omong ra sumanak

Wedang bubuk tanpa gula

Aja ngamuk enggal tuwa

Jarik kawung nggo klosotan

Ati bingung kemlaratan

Wajik klethik gula jawa

Aja nangis ayo lunga

Nangka jeruk jambu nanas

Rada watuk ngelu panas

Manuk kacer neng suketan

Ora pinter ra keduman

Manuk dara mabur ngidul

Sinawa dimen kombul

Manuk emprit mencok pager

Mulang murid murih pinter

Kalung kacu mlaku ngetan

Dhasar ayu pinter dandan

Ali-ali mata telu

Aja lali mring wajibmu

Gelang karet cilik-cilik

Wong sing kesed sing disirik

Jurang jugrug pinggir kali

Wani nglurug wedi mati